بقلم : عادل عسراوي
الزواج ماشي تبدلي سميتك لأميرة زوجي ، ولا زوجي قرة عيني ولا زعتر،الزواج هو تعيشي انت وراجلك روحين متطابقين ماشي مزوجين غي باش تولدو بعالك .. و تربيوهوم و هو يمشي يخدم و انت تبقاي كاطيبي و هو يشوف فيك مجرد وسيلة لإفراغ المكبوتات “فلحلال” و انت تشوفي فيه مصباح علاء الدين السحري لي يقدر يحقق ليك أي حاجة …
الى ماتزوجتيش شي واحد واعي و مثقف و مخوو عامر و ضحووكي و احمق و مازال باغي يعيش حياتو معاك ، تحماقو بجوج ، تجلسو فالدار بحال الصحاب و لعشران ، تعاونو فكولشي ، تلعبو ، تضاربو بالما ، تلعبو بلاي ، تخرجو ديرو رياضة ، تقراو شي كتاب و تجلسو تناقشوه ، تفرجو فيلم ، دخلو شي مرات للكوزينة بجوج ، طيبو بجوج ، تختارو الحياة لي تناسبكوم بعيدة بزاف على العالم الخارجي حيت اتكونو عايشين فعالم خاص بيكوم ، ماتكونو تشبهو حتى لشي حد ، و ماتسوقو حتا لشي حد .
لي دخل لداركوم يحس بديك المودة ، و الحب ، و ديك العلاقة لقوية لي تخلي ناس تقتادا بيكوم ، داك الحب لبسيط لي خالقين سعادة ببساطة ، لي كاتجمع انت وياه على براد أتاي بالنعناع و كوميرة”خبزة” و زويتة بلدية و شوية زيتون و تبقاو تضحكو او تعاودو نكت،تخاصمو على آخر زيتونة و تشوفو شكون كلى اكثر من لاخور .. تولدو شي بنية تسميوها “تسنيم” ولا دري يعمر عليكوم الدار ، تكبروه بجوج ، تحمقوه يخرج كيشبه فيكوم ، تسهرو معاه بجوج ، تلعبو معاه ، تخرجوه ، تعلميه يقول ماما زوينة و بابا بوعو ،، تحسي براسك ملكتي الدنيا و مابقا خاصك والووو …
الزوج يكون ثمرة حب أو اختيار شريك حياة ناجح و يكون أعظم أب … الحياة الزوجية فاش كاتلقى شي إنسان لي محتاج يعيش ، محتاج يجرب حوايج جداد مع واحد الإنسانة ، تعوضو على كل حاجة كان محروم منها فالماضي ..
الا ماكنتوش غادي تعيشوو هاد الحياة ، بلا ماتزوجو خليكم هاكا احسن خلي تران”قطار الحياة” يفوتك احسن ماتركبو و تمشيو لشي وجهة انتونا ماغتحملوهاش و ماباغينهاش.. بلاما يقولي شي واحد هادشي ماكينش حيت كاين .. بأمثلة كثيرة فالواقع .
Slm ou 3likom walahilaMali bdit na9ra hadlkalam hasit bhal ila kn3ich had lhadat basha ? Walakin lilasaf had alhayt makynach gi 2%100 lilasaf kaynin nisae kyatmanw had alhyat ou kaynin rjal aydan walakin makayta9swch ba3dhom Ali nafs l39liya kayaralaw alkas wahad romansi wahad 3akso hhhh dakchi A3lach khra tal9 fl3lam machi ngolo gi magrib
هضرة زوينة و كلام كبير تبارك الله عليك السي عادل و لكن لا حياة لمن تنادي شي ناس ميخصهومش شريك حيت عدو غي مع نفسو و ماكيبغيش الخير حتى نفسو عاد فين شريكو
الأخ مزوج ؟
السلام عليكم
لسنا نحن ولا انت ولا هي .. المحتوم هو الذي يحول الحياة الى المجهول !:
للاسف الشديد ان كل ما جاء في مقالك هذا يحاكي احلام وآمال كل انسان قبل ركوبه القطار المنشود .. لفترة قصيرة من الزمن .. لكن الواقع انك تمر بعدة مراحل ومحطات عدة.. قبل وصولك إلى تحقيق ما تصبو اليه … ان أكثر الناس .. ان لم نقول كل الناس قاموا بإنشاء مخطط عريض وكبير واكثر مما جاء في الموضوع .. من سيادة جوج أفكار مبرزطني.. وحاولوا تفعيله لكن لم يفلحوا .. حيث ان هناك اعطاب شتى تواجه هذا الأنسان في حياته .. كيف ما كان هذا الأنسان !.. لأن الأنسان يستقبل المجهول المحتوم .. ومع المحتوم لا تحقق أهدافك التي حددتها .. الأنسان يعتقد انه أكثر قدرة على مواجهة الصعاب وبالتالي تجده أكثر قدرة على درء المخاوف .. تلك المخاوف التي تجعله يتصرف عكس مخططاته و يغير طريقه ..
( نعيش سلوكنا مع المحتوم )
ورغم ذا وذاك شكرا لك على الموضوع..
قال تعالى :
( لقد خلقنا الإنسان في كبد ) .. صدق الله العظيم.